Har bir yil yangi bilim, yangi insonlar, yangi sarguzashtlaru, qiyinchiliklardan iborat bo'ladi. Ushbu yilda bo'lgan ishlarni sizlar bilan bo'lishishga qaror qildim.
Ish
2024-yil uchun juda ko'plab rejalar qilgandim. Ular orasida FAANGda ishlash, yaxshi startup qilish, foydali bloglar yozish va ko'p o'rganish. Bularni barchasiga erishdim desam ham bo'ladi. 2024-yilda 16ta offer (ishga taklif), 1ta freeze va yuzlab reject (rad javobi) oldim.
Bir tarafdan oddiy startup kompaniyalar arizamni ko'rmasdan ham rad etishgani kuchli stress olib kelgan bo'lsada, boshqa tomondan Google, Meta, Dropbox, IBM va boshqa katta kompaniyalarga bo'lgan intervyular muvaffaqiyatli bo'ldi.
Hozirda o'qishga ko'proq diqqatimni qaratganim tufayli Meta va Google berayotgan imkoniyatlarga ko'z yumishga majburman, 5-kun ofisdan 8-soat ishlash ko'plab imkoniyatlarimga to'siq bo'ladi. Dropbox beradigan katta imkoniyat esa remote (online, istalgan yerdan) ishlash bo'ldi.
Startup (42.uz)
Startup qilishni 18-yoshimdan beri harakat qilaman. Bu jarayonda ko'plab qilgan g'oyalarim uzoq ishlamadi, tez yopildi. Ba'zilari yetarlicha ishladi, va ular bergan tajriabalar haligacha azq otadi. 2023-yil Noyabrda ishga tushgan 42.uz platformasiga, 2024-yil Yanvar oyidan to'laqonli qo'shilishni boshladim.
Kuch birlikda! deymiz ammo unga amal qilmaymiz. Men ham alohida platforma qurishim mumkin edi ammo qilib turgan ishimni 42.uz uchun qilishga qaror qildim va bundan hech afsuslanmayman. Video darslar bilan cheklanishni o'rniga, tajribamizdan olgan xulosalarimiz asosida tuzilgan muammolarni yechib tajribangizni oshiruvchi platformani yanada yaxshilashda xizmatdamiz.
2024-yil 42Conf o'tkazdik. Men ko'proq texnik muammolarni yechish haqida gapirib berdim. Konferensiya so'ngida esa 2025-yilgi rejalarimizni bo'lishdik, talabalar bilan gaplashdik va ko'proq eshitdik. Kelajakda esa ko'proq foydaliroq jonli konferensiyalar o'tkazishni ham reja qilayabmiz (In sha Alloh).
Hayot
O'qish davomida ishlash biroz qiyin ekan, ammo barchasini o'ziga yarasha gashti bor. Universitetda juda ko'p fanlarni yil boshida yopishga harakat qilaman. Yevropada o'qishni yaxshi tomoni ham shunda deb bilaman, bilim muhim, qatnashish emas. Universitet o'qish davomida 7 marotaba dars o'tdim. Professorlarga men qilayotgan yondashuv, loyihalar va fiklar juda yoqdi. Shu sabab ham mendagi o'qish jarayoni ancha oson o'tayabdi (menimcha).
Chet elda yashash juda qiyin, chunki eng yaqin insonlaringizni barchasi boshqa yerda siz boshqa yerda. Bu qiyinchilikni Azimjon aka bilan birga qisman yenga oldik. Men o'zimga aka, Azimjon aka esa o'ziga uka topdi (deb o'ylayman).
Xulosa
Ushbu yil uchun ham reja qilganman - "amal qilish!". Biz juda ko'p bilamiz, ko'plab bilganlarimizga amal qilmaymiz. Buni natijasida ko'p savol so'raymiz va xavotir, qo'rquvlarimizni oshirib boraveramiz. Bilishni qiymati yo'q, bajaring!
Shu paytgacha hech Backend yoki Frontend deya ish tanlamadim. Barchasini birdek ko'rib muammo yechuvchi bo'ldim. Yuqoridagi meme ham aynan meni 42.uz jamoasiga kirib kelishimni tasvirlaydi. Frontend dasturchi yoki Backend dasturchi emas Otabek bo'ling.
Bollar biz yutamiz!