Yevropaga kelganimdan boshlab turli xil kompaniyalarga topshirishni boshladim. Shu tariqda 200 dan oshiq rad javoblari oldim. Keyinchalik ishga topshirishga umidlarim tushib ketdi. Biroz vaqt o'tib kichik emas balkim katta (FAANG) kompaniyalar aloqaga chiqishni boshladi. Ushbu maqola ko'proq IBM haqida gaplashamiz.
IBM’da Entery-level uchun juda ko‘p ish vakansiyalari bor ekan, ichida Cloud Platform Developer menga qiziqroq bo‘ldi. Kubernetes, Terraform, Cloud Computing bilan turli xil qiziq ishlar qilish yoqqani uchun bu sohada ham tajriba olish maqsadida topshirdim. Aslini olganda Infrastructure sohasida bilimim juda kam, lekin shunga qaramay aloqaga chiqishdi va intervyuni boshlab yubordik.
Panel Interview
FAANG kompaniyalarida odatda bunday intervyularni kamdan-kam uchratasiz. IBM’da aynan shunday intervyu mavjud ekan. Siz topshirgan jamoaning ba’zi a’zolari bir vaqtda kirib sizni bilimingizni, fikrlashingizni, stress holatda qiladigan qarorlaringizni (chunki sizni stressga ham tushirishadi) tekshirishadi.
Menda ham turli xil IaC, K8S, Terraform, AWS/GCP, dasturlash bilimlarimni va real ssenariylar keltirib, shunday holatga tushsam qanday yechim qilishimni so‘rashdi. Amallab berilgan savollarga qo‘ldan kelguncha javob berdim.
2 kundan keyin rekruterdan xabar oldim. Xabar boshi Thank you... bilan boshlanishi odatda tragediya, ammo meni holatimda unday bo‘lmadi. Interview juda zo‘r o‘tganligi va keyingi so‘ngi bosqich interviyuni belgilashni so‘radi. Kelasi hafta uchun bo‘sh kunni tanladim va texnik intervyuga tayyorlanish o‘rniga boshqa ishlar qila boshladim.
Savollarni ochiqlay olmayman, chunki bu bo'yicha NDA ga imzo qo'yganman
Final Interview
So‘ngi bosqichda asosan amaliy intervyu berildi. Odatda leetcode’dagidek shaklda o‘tishi kerak bo‘lgan interviyu umumann real hayotiy amaliyot bilan o‘tdi.
Sizga tayyor API beriladi, siz unga murojaat qilib, shartda kiritilgan ma’lumotlarni olasiz, ularni filtrlaysiz va natijani sayqallab qaytarasiz. Filtrlashda shartlar juda ko‘pligi uchun ba’zilarini unutib qo‘ydim, ko‘p marotaba kodni run qilib ko‘rganimda xatolik chiqdi, vahimaga tusha boshladim.
Intervyu olgan odam Bloomberg'da Senior bo‘lib ishlagani bilindi. Juda bosiqlik bilan intervyu olib bordi, hazillar qildi. 98% testlar o‘tdi ammo 2% hech o‘tmay qolaverdi (edge-case hisobga olmagan ekanman). Keyin intervyu tugadi, u men bilan suhbatlashishni istab ozgina vaqt ajrat dedi. Biroz gaplashib "seni olamiz xavotir qilma" dedi va xayrlashdik.
Natija
So‘ngi intervyuda aytilgan gap ko‘ngil uchun deb o‘ylagandim. Bu gaplar rost bo‘lib chiqdi. Jamoa Amerikada, men esa bir o‘zim Polshadan ishlay olmasligini aytdi.
Menejerim esa men bilan 1:1 meeting qilishni so‘radi, rozi bo‘ldim. Keyin u menga "Junior emas, Middle pozitsiyada Build System Engineering‘ga zo‘r jamoa bor. shunga topshirib ko‘rmaysanmi?" deb so‘radi. Faqat bir dona intervyu qilishini aytgani uchun rozi bo‘ldim.
So‘ngi intervyudan ham muvaffaqiyatli o‘tdim. Rekruter shunday qilib hujjatlar so‘rab, menga offer berishini va xavotir olmasligimni aytib o‘tdi.
Xulosa
Bu maqolani yozishdan avval juda ko‘p o‘yladim. Bilaman, kompaniyalardan offer olish juda quvonchli xabar. XYZ’dan offer oldim ko‘rinishidagi maqolalar yetarliligi va bunday maqola yozsam maqtangandek bo‘lib qolsam kerak deb o‘ylardim.
Ko‘plab so‘rovlardan (hatto dadam ham so‘radi) so‘ng o‘z tajribam, jarayon, tayyorlanish va boshqa qiziq mavzularni yoritishga harakat qildim. Keyingi maqolada qanday qilib Dropbox’dan offer olganim haqida yozib o‘taman.